КЫРГЫЗТЕСТ: БИШКЕК ЖАНА ЖАЛАЛ-АБАД ШААРЛАРЫНДАГЫ ТЕСТТЕР
«Кыргызтест» мамлекеттик мекемеси мамлекеттик тилди билүү деңгээлин аныктоо боюнча тест жүргүзүүнү Бишкек жана Жалал-Абад шаарларында улантууда.
2-декабрдан 6-декабрга чейин Бишкек шаарында КР Тышкы иштер министрлигинин, КР Финансы министрлигинин, КР Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттигинин, КР Ички иштер министрлигинин, КР Саламаттык сактоо министрлигине караштуу Медициналык тез жардам клиникалык ооруканасынын жана “Сертификат-Перспектива” жоопкерчилиги чектелген коомдун кызматкерлеринин арасында мамлекеттик тилди билүү деңгээлин аныктоо тести жүргүзүлдү.
Ал эми Жалал-Абад шаарында Архив кызматынын Жалал-Абад региондук башкармалыгынын, райондук жана шаардык мамлекеттик архивдердин, Жалал-Абад шаарынын Статистика бөлүмүнүн, Жалал-Абад облустук Статистика башкармалыгынын, Ноокен жана Сузак райондук сотторунун кызматкерлери тестке катышып, мамлекеттик тилди билүү деңгээлдерин аныкташты.
Бишкек шаары жана Жалал-Абадда облусу боюнча жалпы 776 адам тест тапшырды.
