Кыргызтест: Онлайн тесттер уланууда
2020-жылдын 24-сентябрынан 5-ноябрь аралыгында мамлекеттик тил боюнча тесттер онлайн тартибинде жүргүзүлүп, андан Кыргыз Республикасынын Бельгия Королдугундагы, Австрия Республикасындагы, Кыргыз Республикасынын Франкфурт-на-Майне шаарындагы Консулдук агенттигиндеги, Украинадагы жана Швейцария Конфедерациясындагы Элчиликтердин кызматкерлери өттү.
Тестти ийгиликтүү тапшырган мамлекеттик кызматкерлер тийиштүү үлгүдөгү Сертификаттарга ээ болушту.
Тест жыйынтыктары адаттагыдай эле «Кыргызтест» мамлекеттик мекемесинин сайтына https://kyrgyztest.gov.kg жайгаштырылды.
Онлайн тесттер мындан ары да Кыргыз Республикасынын Тышкы иштер министрлиги менен макулдашылган графикте улантылмакчы.
Кошумча маалымат: Буга чейин билдирилгендей, «Кыргызтест» мамлекеттик мекемесинде онлайн-тестти биринчи болуп Пакистан Ислам Республикасындагы Кыргыз Республикасынын дипмиссиясынын кызматкерлери тапшырган. Бул иш-чара 2020-жылдын 24-сентябрында өткөрүлүп, ал Мамлекеттик тил күнүн майрамдоого арналган.
![](https://kyrgyztest.gov.kg/wp-content/uploads/2020/11/-e1604664249543-1024x712.jpg)
![](https://kyrgyztest.gov.kg/wp-content/uploads/2020/11/Щвецария1.jpg)
![](https://kyrgyztest.gov.kg/wp-content/uploads/2020/11/Щвецария.jpg)
![](https://kyrgyztest.gov.kg/wp-content/uploads/2020/11/Франфурт-1024x531.jpg)
![](https://kyrgyztest.gov.kg/wp-content/uploads/2020/11/украина-1024x671.jpg)
![](https://kyrgyztest.gov.kg/wp-content/uploads/2020/11/Бельгия-1024x531.jpg)